Мэдээлэл

2010-07-01                                                                                     Улаанбаатар хот

Төр, засгийн Үйлчилгээ, аж ахуйг эрхлэх газрын даргын тушаалаар батлагдсан дүрэм, журам, норм, норматив, стандарт зэрэг хэм хэмжээ тогтоосон эрхийн актын давхардлыг арилгах, цэгцлэх зорилгоор 2010 оны эхний хагас жилд тодорхой ажлуудыг хийж гүйцэтгэлээ. Тухайлбал, тус газрын даргын 1992-2010 оны хооронд гарсан нийт тушаалыг нэг бүрчлэн шүүж танилцан хүчингүй болсон болон одоо хүчинтэй дагаж мөрдөж байгаагаар нь ялгаж хүчинтэй, хүчингүй тушаалын нэгдсэн бүртгэл гаргав. Ийнхүү гаргасан бүртгэлийн хүрээнд хүчин төгөлдөр үйлчилж байгаа тушаалуудаас үйл ажиллагаа, чиг үүрэгт нь хамаарах дүрэм, журмын жагсаалтыг хэлтэс тус бүрээр дахин гаргаж, ТЗҮААЭГ-ын хэлтсүүдээс цаашид шинэчлэн боловсронгуй болгож өөрчлөх, хэвээр мөрдөх, эсхүл хүчингүй болгох эсэх талаар санал авч нэгтгэн, хэвээр мөрдөх, цаашид боловсронгуй болгох, хүчингүй болгох тушаалын жагсаалт гаргав. Хэлтсүүдээс ирүүлсэн саналд үндэслэн Төр, засгийн үйлчилгээ, аж ахуйг эрхлэх газрын даргын 2010 оны 7 сарын 1-ний өдрийн 90 дүгээр тушаалаар 59 тушаал, тус тушаалуудаар батлагдсан дүрэм, журам, норм, норматив, стандартыг хүчингүйд тооцуулав.

2010 оны 7 дугаар сарын 01-ний өдрийн байдлаар газрын даргын тушаалаар батлагдсан одоо хүчин төгөлдөр дагаж мөрдөж байгаа нийт 77, цаашид боловсронгуй болгон шинэчлэх шаардлагатай 14, хүчингүйд тооцсон нийт  133 тушаал байна.  

ЗАХИРГААНЫ ХЭЛТЭС