Мэдээ, мэдээлэл » Цаг үеийн мэдээ
Нийт: 35 - 36
Төрийн ордны их танхимд өнөөдөр ТЗҮЭГ-ын 2014 оны ажлын тайлангийн хурал болж өнгөрлөө. Хурлын үйл ажиллагаанд газрын ажилтан нар 80 хувийн ирцтэй оролцов. Тайлангийн хуралд УИХТГ-ын захиргаа нийтлэг үйлчилгээний хэлтсийн дарга Н.Ширэндэв, Төрийн ордны галын албаны төлөөлөгч, харьяа газрын дарга нар урилгаар оролцов. Н.Ширэндэв хэлсэн үгэндээ танай байгууллагаас 2015 оны 01 сард хийсэн ажил, үйлчилгээний тайланг бид хүлээж авсан. Бид танай байгууллагын санхүүжилтын 40 гаруй хувийг гэрээний дагуу олгодог. Тайланг бид үзээд “Сайн“ гэж дүгнэлээ. Та бүхэн сайн ажилла, бид санхүүжилтийг таслахгүй байхыг амлаж байна гэж бидний ажлыг дүгнэж урам хайрлалаа. Хурал төлөвлөгөөний дагуу явагдсан бөгөөд газрын захирал Д.Нямжав хурлыг хааж хэлсэн үгэндээ “Манай хамт олон 2014 онд сайн ажиллаж, төрийн хэмжээний олон томоохон үйлчилгээг амжилттай, чанарын өндөр түвшинд зохион байгуулж ажиллалаа. 2015 он бол биднээс илүү эрч хүч, нэгдсэн зохион байгуулалтыг шаардсан, хариуцлагатай он байх болно. 2015 ондоо хамтдаа урагшаа” гэж хамт олондоо уриалав. Хурлаас 2014 онд хийсэн ажлаа “Хангалттай” гэж дүгнээд 2015 онд ажиллах төлөвлөгөөгөө баталснаар тавьсан зорилгоо биелүүллээ.
ЗОХИОН БАЙГУУЛАЛТЫН АЛБА
2015 оны 02 сарын 12 | Үзсэн : 1014
|
|