ТЗҮЭГ болон ТООБА-ны даргын баталсан удирдамжийн дагуу гал түймэр, гамшгийн аюулаас урьдчилан сэргийлэх, гамшгаас хамгаалах арга ажиллагаанд сургах онол, дадлага хосолсон сургалтыг 2018 оны 01 дүгээр сарын 15-ны өдөр Нийслэлийн иргэдийг гамшгаас хамгаалах сургалт арга зүйн төвд зохион байгууллаа. Сургалтанд 50 гаруй ажилтан албан хаагчид хамрагдсан. Сургалтаар:

-Гамшгийн анхан шатны мэдээлэл олгох видео хичээл

-Галын аюул, утаат орчноос зайлж гарах арга

-Эмнэлгийн анхан шатны тусламж буюу зүрхний шууд бус иллэг хийх, хахсан, таталт өгсөн үед авах арга хэмжээ зэрэгт сургалтын хэрэглэгдэхүүн ашиглан сургах

-Гал унтраагуурын төрөл, хэрэглээ, дэлгэц дээр гал унтраах дадлага сургалт

-Ахуйн хэрэглээний газ ашиглах үеийн аюулгүй байдал

-Автомашинд гал унтраагуур байрлуулах 

-Гар утасны цэнэглэгч, цахилгаан хэрэгсэл, чихэвчний хэрэглээ, гарч болзошгүй аюул ослын талаар сэрэмжлүүлэг

-Газар хөдлөлтийн эрсдэл, гамшгийн үеийн бэлэн байдлыг хангах, өөрийгөө болон бусдыг авран хамгаалах /СУУ, НУУГД, ХҮЛЭЭ/, чичирхийллийг биеэр мэдрэх зэрэг хичээл сургалтыг танхим бүрээр биечлэн дадлага хийлгэсэн өгөөжтэй сургалт боллоо.